Categories
Languages

ອົງການອານະມັຍໂລກ ຄວນ ຮ່ວມມືຢ່າງເຕັມສ່ວນກັບໄຕ້ຫວັນ

ໃນຂນະທີ່ພຍາດ Coronavirus ກຳລັງແຜ່ຂຍາຍຢ່າງວ່ອງໄວໄປທົ່ວໂລກ, ໄຕ້ຫວັນ ຍັງສາມາດ ສະກັດກັ້ນເຊື້ອພຍາດນີ້ໄດ້ເປັນຢ່າງດີ ໃນພື້ນທີ່ກວ້າງກົ່ວປະເທດ Belgique ພຽງໜ້ອຍໜຶ່ງ ໂດຍມີ ພົລະເມືອງບໍ່ຕຳ່ກວ່າ 23ລ້ານຄົນ. ເຖິງແມ່ນວ່າໄຕ້ຫວັນຈະມີການພົວພັນ ທາງດ້ານເສຖກິດ ແລະ ການຄ້າຢ່າງແໜ້ນແຟ້ນກັບສປ.ຈີນ ໃກ້ຄຽງກໍຕາມ, ແຕ່ແລ້ວ ມາເຖິງວັນທີ 29 ມີນາ 2020 ໄຕ້ຫວັນ ມີພຽງ 298 ຄົນ ເທົ່ານັ້ນ ທີຕິດເຊື້ອໂຣກ ແລະ 3 ຄົນເສັຽຊີວິດ. ໝາຍຄວາມວ່າ ການຕິດເຊື້ອ ແລະ ຄວາມສ່ຽງ ໃນ ໄຕ້ຫວັນ ຢູ່ໃນລະດັບ ຕໍ່າກວ່າ ປະເທດອື່ນໆ.

ແຕ່ເຖິງຢ່າງໃດກໍຕາມ, ມາເຖິງປັດຈຸບັນ ໄຕ້ຫວັນ ກໍຍັງບໍ່ທັນຖືກຮັບ ໃຫ້ ເຂົ້າ ສັງກັດ ໃນ ອົງການອານະມັຍໂລກ ເທື່ອ.

ເມື່ອວັນທີ 31 ທັນວາທີ່ຜ່ານມາ, ໄຕ້ຫວັນເຄີຍໄດ້ຕັກເຕືອນອົງການອານະມັຍໂລກວ່າ ຈະເກີດໂຣກລະບາດໃນໃວໆນີ້ ພ້ອມຍັງອາດຈະມີການແຜ່ຕິດເຊື້ອລະວ່າງມະນຸດອີກ. ໄຕ້ຫວັນສາມາດຄາດເຖິງການແຜ່ລະບາດ ແລະ ວາງມາດຕະການ ສະກັດກັ້ນ ໄດ້ທັງທາງດ້ານ ສາທາຣະນະສຸກ ແລະ ດ້ານເສຖກິດ. ໃນຂະນະທີ່ຫຼາຍໆປະເທດອື່ນໆ ໄດ້ອອກ ດຳຣັດ ສັ່ງໃຫ້ ປະຊາຊົນ ກັກຕົວຢູ່ໃນບ້ານ, ການດຳຣົງຊີວິດໃນໄຕ້ຫວັນຊໍ້າຍັງສືບຕໍ່ເປັນປົກກະຕິ: ມະຫາວິທະຍາລັຍ, ວິທະຍາລັຍ, ແລະ ໂຮງຮຽນ ຍັງເປີດປະຕູ, ບໍຣິສັດຕ່າງໆສືບຕໍ່ກິດຈະການ, ຜູ້ຄົນ ສັນຈອນ ໄປມາ ຢ່າງເສຣີ.

ພາຍຫຼັງກໍຣະນີຕິດເຊື້ອທຳອິດ ເມື່ອວັນທີ 23 ມົກະຣາ ທີ່ຜ່ານມາ, ທາງການ ໄຕ້ຫວັນ ໄດ້ເອົາ ມາດຕະການທັນທີ ເພື່ອ ສະກັດກັ້ນ ການແຜ່ລະບາດ ຂອງເຊື້ອພະຍາດ ໂດຍ ມາດຕະການດັ່ງກ່າວ ໄດ້ຖອດຖອນ ມາຈາກວິທີການ ຄວບຄຸມວິກິດ SRAS ເມື່ອປີ 2003.

ຕັ້ງແຕ່ວັນທີ 24 ມົກຣາ ເປັນຕົ້ນມາ, ທາງການໄຕ້ຫວັນ ໄດ້ສັ່ງໃຫ້ມີການຈຳກັດ ການສົ່ງຂາຍ ໜ້າກາກອອກນອກປະເທດ ພ້ອມຍັງໄດ້ເຂັ້ມງວດກວດຄົນເຂົ້າເມືອງທີ່ໄດ້ໄປຍັງສປ.ຈີນເມື່ອ 14 ວັນກ່ອນ. ສ່ວນຊາວໄຕ້ຫວັນ ທີ່ກັບຈາກຂົງເຂດທີ່ມີໂຣກລະບາດນັ້ນ ກໍຕ້ອງຖຶກກັກຕົວໃນຣະຍະ 14ມື້. ຜູ້ໃດທີ່ເດີນທາງເຂົ້າໄຕ້ຫວັນ ກໍຍ່ອມຖືກຄວບຄຸມ ທາງດ້ານອານະມັຍຢ່າງເຂັ້ມງວດ. ສ່ວນທາງດ້ານກະຊວງສາທາຣະນະສຸກ ແລະ ສັງຄົມ ກໍໄດ້ສັ່ງຫ້າມ ບໍ່ໃຫ້ ພະນັກງານແພດໝໍ ເດີນທາງ ອອກຈາກປະເທດ. ໃນເວລາປັດຈຸບັນ ແຕ່ລະມື້ ໄຕ້ຫວັນໄຊ້ໜ້າກາກ ເຖິງ13ລ້ານຜືນເພື່ອ ຕອບສນອງ ຄວາມຕ້ອງການ ຂອງປະຊາຊົນ ໃນການຕໍ່ຕ້ານເຊື້ອໂຣກ. ພາຍໃນໜຶ່ງເດືອນ ການຜລິດ ໜ້າກາກ ໄດ້ທະວີຄູນ 4ເທົ້າຕົວ.

ມາເຖິງປັດຈຸບັນ, ໄຕ້ຫວັນ ຍັງຄົງເປັນປະເທດດຽວໃນໂລກ ທີ່ມີລະບົບການບຣິຫານ ໂດຍຜ່ານ ກອງບັນຊາການ ອັນມີເອກະພາບ ແລະ ຫຼາຍຂະແໜງ. ແກ່ນນຳຄື ກະຊວງສາທາຣະນະສຸກ ແລະ ສັງຄົມ ມີໜ້າທີ່ ວາງມາດຕະການ ແລະ ປະສານງານກັບໜ່ວຍພາສີ, ກະຊວງເສຖກິດ, ກະຊວງສຶກສາ ແລະ ກະຊວງໂຍທາແລະຂົນສົ່ງ. ລະບົບການບໍຣິຫານໂດຍຜ່ານສູນບັນຊາການດັ່ງກ່າວ ແມ່ນເງື່ອນໃຂຕົ້ນຕໍ ຂອງການແກ້ໃຂວິກິດຢ່າງມີປະສິດຕິພາບ.
ທາງການໄຕ້ຫວັນໄດ້ວາງມາດຕະການທາງດ້ານອານະມັຍຢ່າງວ່ອງໄວ: ຕັກເຕືອນຜູ້ໂດຍສານ, ຕິດຕາມຮ່ອງຮອຍຂອງຜູ້ທີ່ເຄີຍໄດ້ຕິດຕໍ່ກັບຜູ້ຕິດເຊື້ອໂຣກ, ສັ່ງໃຫ້ກັກຕົວໃນຣະຍະ 14ມື້, ຄິວຖ້າທີ່ໂຮງພະຍາບານສຳລັບຜູ້ຕິດເຊື້ອໂຣກໂດຍສະເພາະ, ແຈກຢາຍໜ້າກາກປ້ອງກັນ ແລະແຈວລ້າງມື ດັ່ງນີ້ເປັນຕົ້ນ. ນັກຄົ້ນຄວ້າຊາວໄຕ້ຫວັນ ໄດ້ທຳການວິຈັຍ ໂດຍແຍກສາຍພັນ ຂອງເຊື້ອໂຣກອອກ ແລະ ສຳເຣັດໃນການຜລິດພູມຕ້ານເຊື້ອໂຣກ ເອີ້ນວ່າ remdesivir. ດຽວນີ້ ເຂົາເຈົ້າສາມາດ ກວດເຖິງເຊື້ອໂຣກ ພຽງໃນຣະຍະ 15 ນາທີ.

ການສື່ສານຢ່າງເນື່ອງນິດ ແລະລະອຽດ ຍັງສືບຕໍ່ເປັນສິ່ງສຳຄັນ ເຮັດໃຫ້ ປະຊາຊົນ ປະຕິບັດ ຕາມ ມາດຕະການ ແລະ ຫຼີກເວັ້ນ ບໍ່ໃຫ້ແຕກຕື່ນ ນຳແຫຼ່ງຂ່າວປອມ ອັນບິດເບືອນຄວາມຈິງ.

ເຫັນໃດ້ວ່າ ໄຕ້ຫວັນ ໄດ້ສໍ່ສະແດງ ເຖິງ ຄວາມຊ່ຽວຊານຂອງຕົນ ທາງດ້ານການຄົ້ນຄວ້າທາງແພດ, ດ້ານການປ້ອງກັນ ແລະ ເຖິງຄຸນນະພາບຂອງລະບົບສາທາຣະນະສຸກອີກ ຊຶ່ງຕິດອັນດັບທີ 9 ຂອງໂລກ, ອີງຕາມ ການໃຫ້ຄະແນນ ຂອງ ອົງການຂ່າວ Bloomberg ເມື່ອປີ 2018. ໄຕ້ຫວັນເປັນປະເທດສຳຄັນປະເທດໜຶ່ງ ຂອງວົງການແພດຂອງໂລກ. ແຕ່ແລ້ວ, ໄຕ້ຫວັນ ກໍບໍ່ຖືກເຊື້ອເຊີນໃຫ້ເຂົ້າຮ່ວມກອງປະຊຸມໂລກ ຊຶ່ງຈະໄຂຂຶ້ນ ລະວ່າງວັນທີ 17 ຫາ 21 ພຶສະພາໜ້ານີ້ ທີ່ເມືອງ Genève.

ການກີດກັນ ບໍ່ໃຫ້ໄຕ້ຫວັນ ເຂົ້າຮ່ວມກອງປະຊຸມອັນສຳຄັນຄັ້ງນີ້ ໂດຍສະເພາະ ໃນວາຣະ ອັນຄັບຂັນໃນປັດຈຸບັນ ແມ່ນການຜິດພາດອັນມະຫັນທີ່ສຸດ ຊຶ່ງນີ້ກໍຈະເປັນສາຍເຫດ ເຮັດໃຫ້ ຄວາມປອດພັຍ ທາງດ້ານອານະມັຍ ຂອງໂລກ ແລະ ຂອງໄຕ້ຫວັນ ບໍ່ຄົງຕົວ. ເພາະວ່າ ວິກິດການ ດ້ານອານະມັຍ ບໍ່ມີພົມແດນ ດັ່ງພວກເຮົາເຫັນໃດ້ຈາກການລະບາດທົ່ວໂລກ.

ໃນປັດຈຸບັນ. ໄຕ້ຫວັນຄວນຈະມີທີ່ນັ່ງ ໃນອົງການອານະມັຍສາກົນ. ໂດຍ ມີໜ້າທີ່ສຳຄັນ ໃນການປັບປຸງ ລະບົບສາທາຣະນະສຸກຂອງໂລກ ຊຶ່ງນີ້ ກໍແມ່ນເປົ້າໝາຍອັນສຳຄັນ ຂອງ ການພັທະນາ ແບບຍືນຍົງ ໂດຍສະເພາະ ໃນເວລາປັດຈຸບັນ ແມ່ນການຕ້ານໂຣກ Coronavirus.

ສະນັ້ນ ພວກເຮົາ, ປະຊາກອນ, ຜູ້ຮັບຜິດຊອບດ້ານສາທາຣະນະສຸກ, ນັກຄົ້ນຄວ້າ, ນັກສຶກສາ, ສະມາຊິກສະພາ, ຂໍປະກາດ ແລະ ຮຽກຮ້ອງ ໃຫ້ອົງການອານະມັຍໂລກ ຈົ່ງ ຢ່າເອົາ ເງື່ອນໄຂ ທາງດ້ານການເມືອງ ແລະ ການທູດ ເຂົ້າມາຫຍຸ້ງກ່ຽວ, ແລະ ຮຽກທວງໃຫ້ ຍຶດຖືເປົ້າໝາຍ ຕົ້ນຕໍຂອງຕົນ ຄື: ປົກປ້ອງສຸກຂະພາບ ຂອງ ແຕ່ລະຄົນທົ່ວໂລກ ໃຫ້ດີທີ່ສຸດ.

ອົງການອານະມັຍໂລກ ຕ້ອງການ ໄຕ້ຫວັນ   ດັ່ງ ໄຕ້ຫວັນ ກໍຕ້ອງການ ອົງການອານະມັຍໂລກ.

ດັ່ງນັ້ນ ພວກເຮົາຈຶ່ງຮຽກຮ້ອງ ໃຫ້ອົງການອານະມັຍໂລກ ລິ່ງເຫັນ ແລະ ໃຫ້ຄວາມສຳຄັນ ຕໍ່ ບັນຫາອານະມັຍ ໃນເວລາປັດຈຸບັນ ໂດຍ ອະນຸຍາດໃຫ້ໄຕ້ຫວັນ ເຂົ້າຮ່ວມກອງປະຊຸມທີ່ຈະມາເຖິງນີ້ ແລະ ມີສ່ວນຮ່ວມໃນກິດຈະກັມຕ່າງໆໂດຍທົ່ວໄປຂອງອົງການ.

Please leave comments in English, Spanish, Italian, Chinese, or French. Thank you.

請以英文、西班牙文、義大利文、法文或中文留言。

When you fill in this webform and click on “post comment”, you accept that your personal data will be processed in order to enable your comment to be published. Before submitting your comment, please take a moment to find out more about who can access your personal data and how it is processed, by reading the privacy policy.